Para difundir o traballo realizado faredes unha exposición dos vosos cómics no instituto. Empregade un espazo visible para que toda a comunidade educativa poida coñecer e desfrutar do voso proxecto. 

Colocade ben os vosos cómics para que se poida apreciar toda a vosa creatividade e compromiso. 

Contade e explicade en grupo a historia de cada cómic, para convertirvos en rescatadores e gardiáns ou gardiás dos vosos contos e lendas.

Para visibilizar as vosas creacións, maquetade os cómics para publicalos na revista do centro.

Organizádevos para promocionala e difundila na vosa contorna, e deste xeito conseguiredes que as vosas historias, ilustradas en forma de cómic, poidan ser contadas e transmitidas a outras persoas.

Con esta actividade, axudaredes a manter viva a tradición oral galega, mostrando as vosas ideas fóra do ámbito escolar.

Contribuiredes a sensibilizar á sociedade!